Mynsaw jur ka longkmie ba shah iuh ha ka Bolero ha Khyndailad

Syllad | The Rising MeghalayaJuly 1, 2025

Kawei ka longkmie 70 snem rta ka la ngat ha ka jingmynsaw jur na ka bynta jong ka kjat hadien ba ka la shah iuh ha kawei ka kali Bolero Pickup ha Khyndailad ha ka janmiet sngi Nyngkong ba la lah.

Kane ka longkmie kaba kyrteng ka Kong Ruphina Rynjah la iathuh ba ka la shah iuh na ka bynta jong ka kjat ka mon ha kane ka Bolero kaba kit taiar kaba don ia u nombor ML 04 8991 ha ka por kumba 3:10 janmiet ei ei.

Hadien la pynkit noh mar mar ia kane ka longkmie shapoh Civil Hospital, Shillong, hynrei namar ka jingjur kaj ingmynsaw kumta la pynkynriah noh ia ka shapoh Super Care Hospital ban ioh ia ka jingsumar kaba kham biang.

Kane ka jingjia ka la wan jia ruh ha ka por ba ka Tnad Shillong Municipal Board ryngkat ki bor District bad pulit ki dang pynlong ka jingkhynra ia ki nongdie madan hapoh Khyndailad.