Mynsaw jur ar ngut ba takhuh kali ha East Jaintia

Syllad | The Rising MeghalayaSeptember 20, 2019

KHLIEHRIAT: Arngut ki briew kila mynsaw jur haka jingiatakhuh kali kaba la jia ha ka surok bah NH 6 hajan ka shnong Umtyra. East Jaintia Hills hynne ka nohphaisngi.

Kane ka jingjia iatakhuh kali kala jia hadien ba kawei ka maruti car kaba niah da u Sanju Lyngdoh uba na ka shnong Khliehmyntriang, East Jaiñtia Hills ula leit tynrah ïaka trok kaba don u registration number ML 10 B 8680 ha ka bynta ba khun ka surok. Ha kane ka jingjia katei ka maruti car kala julor phom ha kaba u nongniah u Sanju Lyngdoh bad u wei u bar jylla bym lah satia ban ioh kyrteng kila mynsaw jur.

Ïa une u bar jylla hadien ba ula ïoh jingsumar na Khliehriat la pynkit ïa u sha Jowai ban ïoh ka jingsumar.

Ha kane ka jingjia ki nongialam sengbhalang kiba sakhi ïa kane ka jingjia mar mar kila pyntip sha ki pulit bad ïarap sei ruh ïa kine ki briew na ka kali.