Mynsaw jur 2 ngut ba hap ka kali sha riat ha Iongnoh

Syllad | The Rising MeghalayaOctober 5, 2022

Ar ngut ki briew kila mynsaw jur hadien ba ka kali Mahindra pickup kala hap sha shariat shuwa ban poi ka shnong Iongnoh, West Jaintia Hills District haka sngi Balang.

Kane ka jingjia kala haka por kumba 10:30 Am – 11 Am mynstep. La iathuh ba kane ka jingjia kala jia haka surok shnong ban poi sha Iongnoh. Kane ka pick up kaba don u register nimber ML 04 C 5617 haba la poi ha kane ka jaka kaba khim ka surok hadien ka jingtwa surok kaba la jia ha kine ki sngi bala dep, kumno re kumno kala liat bad kylla bad hap shapoh riat.

Ki paidbah kiba iohi ia kane ka jingjia mar mar kila ai jingiarap ia kine ki ar ngut kiba don hapoh kali bad pynkit iaki sha ki jaka sumar da ka ambulance.

La iathuh ba kine ki ar ngut kiba mynsaw ki dei ki nongtrei kiba pynkhuid iaki lain bording haka shnong Iongnoh.