Mynjur ka Sorkar ia ka polisi treikam ban sumar bad maramot ia ka skhim JJM

Syllad | The Rising MeghalayaDecember 10, 2024

Ka Kynhun Myntri ka Sorkar Jylla ha ka 9 tarik Nohprah ka la ai ka jingmynjur ia ka Operation and Maintenance and Manual na ka bynta ka Rural Water Supply System hapoh ka Jal Jeevan Mission (JJM) Scheme ha Meghalaya.

Haba kren sha ki lad pathai khubor hadien ka jingialang, u Myntri Rangbah ka Jylla u Conrad K Sangma ula ong, “Kumba phi ia tip ba hapoh ka skhim JJM da ki hajar klur ki jingtrei la dep ban pyntrei ha ki bynta bapher bapher ka Jylla bad ka long kaba kongsan ba ha ka jingiaid lynti kaba slem slem, kane ka dei kaba hap ban sumar bha, bad kumta ruh kum ka jingdonkam ba la buh da ka Sorkar India  ka long kaba donkam ia baroh ki jylla ba kin hap ban thaw ia ka Operation and Maintenance Policy and Maul na ka bynta Rural Water Supply Scheme hapoh ka JJM.”

“Kumta ngi la dep pynkhreh ia kane bad hapoh jong ka kin don kumba 2-3 bynta bapher bapher ha kaba ia ka jingsam um bad ka jingsumar ia ki top um kan dei kawei ka bynta bad ka jingsumar ia ki pipe um sha ki shnong ki thaw kan dei kawei pat ka bynta,” u la bynrap.