Mynjur ka sorkar ia ka jingkyrpad ki longiing them metor ban pynheh ia ka jaka shna iing

Syllad | The Rising MeghalayaSeptember 30, 2023

Ka sorkar jylla ka la ai ka jingmynjur ha kaba iadei bad ka jingkyrpad jong ki longiing kiba shong ba sah hapoh them metor na ka bynta ban pynheh ia ka jaka na ka bynta ban shna iing hashwa ba kin kynriah noh na kane ka jaka kaba ki shong ki sah mynta.

Ia kane la pyntip da ka iingbishar Meghalaya High Court hadien ka jingshong bishar ia ka mukotduma ba la mudui da ka sorkar Meghalaya bad ka Harijan Panchayat Committee (HPC) hynne ka sngi Thohdieng hynnin ka sngi Thohdieng.

Ka iingbishar lyngba u Chief Justice Sanjib Banerjee bad u Justice B Bhattacharjee ki la pynpaw ka jingsngewkhia namar wat hadien ka jingkylluid jong ka por ba la ai na ka bynta ban pynlong ka jingiakren pynbeit halor kane ka kam hynrei kam shym la poi shano shano ruh.

Nalor kata ka la ong ruh ba ka sorkar jylla ka la phah ia ki jingkyrpad ba la kyrpad da kine ki longiing na them metor, bad na ka liang ka sorkar ka la mynjur ruh ban pynheh shuh shuh ia ka jaka ban shna ia ki iing ki sem.

Shuh shuh ka la ong ruh ba na ka liang ka sorkar ka la dep pynpaw ba kam shym la don satia kano kano ka jingai jubab na ka liang kine ki longiing, katba kine ki longiing ki la kam ba kim ioh jingtip ei ei ruh ha kaba iadei bad kane ka jingtyrwa na ka bynta kane ka jingpynheh jaka.

Ha kajuh ka por ka iingbishar ka pyntip ruh ba na ka liang kine ki nongshong shnong ki la leit rah ia kane ka kam sha ka sorkar pdeng ha kaba na ka liang ka jong ka ruh ka la khmih halor kane ka jingkyrpad ka jong ki da ka jingsngew synei.

Da kaba pynpaw ba kane ka mat jong ka jingialeh ka dei kaba jem, ka iingbishar ka la ong ba ka sorkar jylla kadei ban aijingtip na ka bynta ban thaw ia ka committee halor kane ka bynta ban pynthikna la kine ki nongshong shnong ki la leit shong ne em ha katei ka jaka ba la ai sha ki.

Ha kajuh ka por na ka liang ka iingbishar ka la pynbeit ban bishar biang ia kane ka kam ha ka 3 tarik u bnai Risaw u ban wan.