Mynjur ka Kynhun Myntri ban pynkylla iaka MTIP

Syllad | The Rising MeghalayaFebruary 3, 2024

Ka Kynhun Myntri sorkar jong ka jylla haka sngi Thohdieng ka la mynjur ban pynkylla ne ka amendment iaka Meghalaya Telecom Infrastructure Policy (MTIP).

Ha ka jingkren bad ki nongthoh khubor, u Symbud Myntri Rangbah ka jylla u Bah Prestone Tynsong u lah ong ba ka kyndon treikam ba ïadei bad ka MTIP ka dei kaba lah don lypa naduh u snem 2018.

Watla don lypa ka ain, ka sorkar ka la wanrah katto katne ki jingpynkylla bad ki jingbsuh ruh katto katne ki kyndon kiba ïahap bad ki kyndon treikam jong ka Ri ba lah wanrah da ka sorkar India.

“Kumta, ka kynhun Myntri sorkar mynta ka sngi ka la mynjur halor ki jingtyrwa ba la mih ban wanrah ka jingpynkylla ki katto katne ki kyndon ba ïadei bad ka  MTIP,”  la ong u Symbud Myntri Rangbah.

U Bah Tynsong u la pyntip ruh ba ka kynhun Myntri sorkar ka la mynjur ruh ïa ka Meghalaya Forest Subordinate Technical Service Rules, 2024.