Mynjur ka kynhun Myntri ban kyntiew ia ka shuti ki nongtrei sorkar sha ka 30 sngi

Syllad | The Rising MeghalayaMarch 27, 2025

Ka kynhun Myntri ka sorkar Jylla ha ka 26 tarik Lber ka la mynjur ia ka jingtyrwa ban kyntiew noh ar shah ia ka jingai shuti ‘ Special Casual Leave’ ia ki nongtrei sorkar sha ka 30 sngi.

Haba kren sha ki lad pathai khubor, u Myntri uba dei ruh u nongaiktien ka sorkar u Bah Paul Lyngdoh u la ong ba ka la don lypa ka jingpynbeit bad ka circular ia kaba la lap mynta ba ka long kaba la rim ha kaba ia ki sngi ia kiba la shah ia ki nongtrei sorkar ban shim shuti lyngba ka special casual leave ka long tang 15 sngi ha ka shi snem.

“Ngi la shim ia ka rai mynta ka sngi ban kyntiew noh sha ka ar shah ia ka jingai shuti, kata 30 sngi,” u la ong.

“Kaba kham kongsan ka long halor ka jingdonkam ban ailad ia ki nongtrei sorkar kiba iashim bynta ha ki jingialehkai bad ha ki athlethic meet bad haba ki don kiba kum kine ki jingiakob, ki jingialehkai bapher bapher ki donkam ruh ia ka jingiashim bynta jong ki nongtrei sorkar ha kaba yn shim ruh ia katei ka por ba ki nongtrei sorkar ki leit ban pyndep ia ka kamram ka jong ki bad ia kaba yn ym khein kum ki jingshim shuti,” bynrap u Bah Paul.

Katkum ka jingpynpaw ka jong u, kane kan iarap ruh ia ka jylla ba kan lah ban pynbiang ia ki jingdonkam bapher bapher khamtam ha kaba iadei bad ka National Games ka ban sa long.