Mynjur ka JHADC ïaka mang tyngka

Syllad | The Rising MeghalayaMarch 28, 2019

JOWAI: Ka ïing dorbar thawaiñ jong ka Jaiñtia Hills Autonomous District Council (JHADC) kala mynjur ïaka mang tyngka jong une u snem kaba duna ka jingïohlum haduh T.19.99 haka sngi Palei.

U Chief Executive Member (CEM) jong ka Jaiñtia Hills Autonomous District Council (JHADC) uba bat ïalade ïala pla tyngka ka konsil ula wanrah ïaka mang tyngka kaba duna naka jingïohlum haduh T.19.99 Klur ha une u snem 2019-20. Ka konsil kala mang ban ïohlum T. 148, 67, 41,200 bad ka jingpynlut kala kot T. 168, 67, 37,500 Klur.

Ha kane ka mang tyngka kam don ka jingiatai nia bad ka cut motion kaba la wanrah da ka liang pyrshah (Congress) bad la pynpaw ba ki hun ïaka mang tyngka kaba la wanrah da u Thombor Shiwat, Chief Executive Member (CEM), Jaiñtia Hills Autonomous District Council (JHADC) uba bat ïaka pla tyngka ka konsil.

U Ma Awhai Andrew Shullai, nongialam ka liang pyrshah ula kyntu ïaka EC kaba ialam u ma Thombor ban shimkhia ban peit ïaka khajna ba lait sha rud ka pla pisa ka konsil bad ban shna iaka ban pynkylla bad pynbha ïaka Service Rules ka Konsil, ka Forest Policy bad ban pynkhlain shuh shuh ïaki bniat jong ka aiñ Waheh Shnong bad kiwei kiwei.