Mushlia u CM, ioh clearance tih mawshun ka Star Cement ong ka JSU

Syllad | The Rising MeghalayaJune 28, 2021

Ka seng JSU ka pynrem jur halor ka jingong u CM ba um don kti ban tuklar ban pynioh Environmental Clearance iaka Star Cement hynrei na ka liang ka JSU kam pdiang ia kane ka jingbuh rieh u CM namar kat kum ka shithi 22 tarik u February ba lah phah da ka MoEF&CC sha ka Meghalaya State Pollution Control Board ka don ka bynta jong ka shithi ba ka JSU ka kynnoh ba u Myntri Rangbah ka jylla u la phah ar sien iaka shithi kata haka 26/07/2020 bad haka 10/02/2021 ban kyrpad na ka MoEF&CC ban pyndonkam noh daka para 7 clause (v) stage 3 jong ka EIA,2006 ban pyndam noh iaka public hearing halor ka par mawshun Star Cement bad yn shim da jingthoh bad jingsoi ki nongkyrshan bad nongpyrshah iaka project bad ban phah shaka MoEF&CC.

Ka JSU ka pynrem jur iaka jingleh u CM bad kam pdiang da lei lei iaka jingleh shimet ka jong u bad kala kynnoh ba u la phah jingthoh sha ka tnat MoEF&CC jong ka sorkar India bad kane ka jingleh jong u CM ka pyni shai ba kam don ka jingiatip ne ka jingiarai lang bad ka kynhun Cabinet Minister namar kum ba paw mynta ki don ki myntri jong ka jylla kiba pyrshah iaka jingioh EC ka Star Cement.

Ka JSU ka wer ia baroh ki riew ieid mariang bad sha kito kiba pyrshah iaka project ka Star Cement ban thoh sha ka NGT namar kat kum ka Environment Clearance (EC) ba lah ioh na MoEF&CC ka pynpaw shai ba dang biang ka por ban thoh shaka NGT ban pyrshah bad pyndam iaka EC jong ka Star Cement hapoh ka 30 sngi na ka tarik ba ki lah ioh iaka EC.

Ka JSU ka kyntu sha baroh ki paid ka bri u hynñiewtep ba ngi dei ban pyndonkam ia u khulom bad ngi dei ban mih shakhmat ha kum kane ka por namar ka jingshah iuh roit laka hok bad jingshah iuh roit ka sur u paidbah ba bun balang haka jingleh donbor ka sorkar bad ka Star Cement ban iaid lait na ka sur u paidbah.