Mudui ejahar ka BJP ia ka Mahua Moitra ba kynthoh pyrshah u Amit Shah

Syllad | The Rising MeghalayaSeptember 2, 2025

Ka BJP State Unit ka la mudui da ka ejahar pyrshah ia ka dkhot ka Parliament (MP) na Krisnanagar, ka Mahua Moitra halor ka jingkynnoh kren tohmet pyrshah ia u Myntri kam pohiing ka Sorkar Pdeng u Amit Shah.

Katkum ka ejahar ba la mudui da ka President ka BJP State Mahila, ka Kong Arena Hynniewta hakhmat u Superintendent of Police ka East Khasi Hills, u Bah Vivek Syiem ha ka 1 tarik Nailur la kynnoh ba ka Moitra ka la kynthoh da kaba ong; “Ia u Amit Shah dei ban shuh khrai khlieh.”

Nalor kata ka kynnoh ruh ba kane ka MP ka la kren bein ruh ia ki jaidbynriew Matua bad kynthoh ruh ia ka jingngeit niam Sanatani.

“Kine ki jingkynthoh kilong kiba ktah shibun, kiba pynjah burom bad kiba ktah ia ki jingmut jingpyrkhat bad ka jingpynjah burom hakhmat ki paidbah,” ong ka Kong Arena haba kyntu ia u SP ba un register case pyrshah ia ka Moitra bad ban pynngat ia ka ha ki kyndon ain.