Mih paw ar tylli ki hattrick jop ka Lutituber & Sailung haka Independence Cup ka WJDSA

Syllad | The Rising MeghalayaAugust 10, 2022

Ka Lutituber bad ka Sailung Ïalong ki la khur jingjop haka lympung ïalehkai Under-17 Independence Day Cup Football Tournament bala pynïaid da ka West Jaintia District Sports Association (WJDSA).

Haba phai sha kane ka jingiakhun pre quarter final, ka Lutituber Ialong ka la pynliem 4-1 ïaka 7 Wasa. Ha kane ka jingiakhun la mih paw kawei ka hattrick kaba la khyrwit da u Iohbhah Dhar (42, 43, 5) bad shikol la thep da u Richard Dhar (36).

Ka shi kol ka 7 Wasa kala lyngba u Sambha Ryngkhlem (41).

Kawei pat ka jingiakhn ka Sailung Ialong kala jop da 4-0 iaka Iawmulong Nartiang. U Bashanbor Pale ula lam lynti ia ka Sailung ban jop haduh saw kol lyngba ka hattrick kaba ula ioh khyrwit marwei. Baroh kine ki saw kol u Banshanbor ula thep marwei kiba la wan haka minit kaba 13, 15, 21 bad 60+1.