Mih paw 3 hattrick jop bun kol ka Shangpung Khliehmuchut Mawsiang Iooksi haka 3rd Div ka WJDSA

Syllad | The Rising MeghalayaApril 2, 2022

Ka Shangpung Khliehmuchut, Mawsiang FC Nongkhroh bad ka Iooksi Youth Welfare kila ioh iaka jingjop ba bun kol haka lympung ialehkai 3^rd Division Football Tournament- Ka Adelbert Laloo Memorial Trophy kaba pyniaid ka ka West Jaintia District Sports Association (WJDSA) kaba long haka sngi Saitjain.

Ha kane ka jingiakhun mynta ka sngi la mih paw haduh 17 kol bad lai ngut ki pleiar kila ioh khyrwit hattrick. Kine ki kynthup ia u Eliser Suiam jong ka Shangpung Khliehmuchut, Ri-o Myrboh jong ka Mawsiang Nongkhroh bad u Tympang Tangliang jong ka Iooksi.

Ka Shangpung Khliehmuchut kala jop 5-0 pyrshah Riatsaliya Mihmyntdu. Ha kane ka jingiakhun u Eliser Suiam ula kylla long u namtam bad khyrwit 4 kol marwei (20,65,73, 80+2). Shikol la iarap thep u Bantei Iakai (53).

Ka Mawsiang kala jop da 7-0 kol iaka Nangbah Khloopano. Ha kane ka jingiakhun ka Mawsiang kala nion ha baroh ki liang ha ka Nangbah Khloopano bad kiba bun ki khep ka Mawsiang kala ialehkai shiteng ka kut ialehkai.

U Ri-o Myrboh ula thep lai kol (18,41, 46), Desiderius Pyrtuh ar kol (14, 52) bad mar shi kol na u Pyndapbiang Myrboh (28) bad Sonowel Kharsati (68).

Haka jingiakhun kaba khatduh jong ka sngi ka Iooksi YW kala jop da 5-0 kol iaka Nangbah Mooknor. Ha kane ka jingiakhun u Tympang Tangliang ula khyrwit lai kol (14, 43,62), mar shikol na u Pyrkhatbha Paslein (53) bad Wympher Tangliang (57).