Mih ki kynhun ialehkai football ka East Jaintia Hills bad West Jaintia Hills sha ka Meghalaya Games ha Tura

Syllad | The Rising MeghalayaJanuary 10, 2024

Ki kynhun ialehkai football kynthei bad shynrang ki ar tylli ki district na rilum Jaintia, ka East Jaintia Hills bad West Jaintia Hills kila mih nala ka district ban leit iashimbynta sha ka 5th Meghalaya Games kaban long ha Tura naduh 15-20 Kyllalyngkot.

Ki rang bad ki thei ialehkai phutbol ka East Jaintia Hills District kila mih napoh ka District haka 9 tarik Kyllalyngkot.

Hashwa ba ki khynnah kin mih, ki dkhot ka East Jaintia Hills District Football Association (EJHDFA) kila pynlong iaka jingialang kitbok kitrwiang bad sneng kraw ban don iaka mynsiem ialehkai. Iaka kynhun jong ki thei ialehkai la ialam da ka samla Filicia Sympli kum ka coach bad u Rumi Lyngdoh kum u Manager. Katba iaka kynhun ki rang ialehkai la ialam da u Robert Biang kum u Coach bad Rymphang Nongtdu kum u Manager.

Katba na kaliang ki kynhun ialehkai ka West Jaintia Hills ki kynhun ialehkai na ki shynrang kila mih naduh 8 tarik bad ki kynthei haka 9 tarik.