Mih ka forum ba shah kyntait ka rilum Jaintia haka National Games
Mynta ka sngi ka synjuk ialehkai bapher bapher kynthup ka Jaiñtia Students’ Union kila rai da kawei ka sur bad la thaw iaka forum kaba la tip kum All Jaintia Sports and Games Forum (AJSGF) ban iakren bad ka sorkar Jylla halor ka jingbym shym la kynthup ïaka rilum Jaintia haka National Games 2022 kaban long ha Jylla.
Ki nongialam kane ka forum ki kynthup ia u Chairman u ma Eddie Murphy H Passah, Vice Chairman u ma Joshua Sajem, Secretary u ma Ambrose Gatphoh, Joint Secretary u ma Wympher Lamare bad lajied ia u president bad secretary ka JSU u Jesrsom Shylla bad u Treiborlang R Suchen kum ki nongai ktien jong kane ma forum.
Ïa kane ka jingialang la pynlong ha ophis treikam ka JSU ha Jowai kaba la wan iashimbynta da ka West Jaintia District Sports Association(WJDSA), East Jaintia District Badminton Association (EJDBA), West Jaintia District Badminton Association (WJDBA), Laskein Block Sports Association(LBASA), Amlarem Sub Division Sports Association (ASSA) bad ki player kiba pawkhmat ka jylla bad rilum Jaintia.
Kane ka Forum kala kyrpad lang ruh ia baroh 7 ngut ki nongmih khmat ka ri lum Jaintia ban phai khmat sha laka jong ka thaiñ ban wanrah iaka roi ka par ba ki khun samla kin ioh jingmyntoi haka ba bun ki liang bad khamtam haka kam ialehkai namar ba kane ka thain kadei kawei na ki thain kaba sei bun ki nongialehkai haka Jylla.
La rai ha kane ka jingialang ban iakynduh ia u Myntri Rangbah ka jylla u Conrad Sangma ban dawa na ka sorkar ban kynthup ne ban ai bhah lang ia ka ri lum Jaintia haka 39th National Games.
Facebook
Instagram
Youtube
Twitter
Leave a Reply