Meghalaya Games: Bteng ka West Jaintia Hills ban jop haka Football

Syllad | The Rising MeghalayaJanuary 20, 2025

Ka West Khasi Hills, West Jaintia Hills bad Ribhoi District kila khur jingjop haka jingialehkai 6th Meghalaya Games jong ki shynrang kaba la long ha madan Kiang Nangbah Stadium Jowai haka 19 tarik Kyllalyngkot.

Haba phai shaka jingialehkai ka West Khasi Hills kala pynrem iaka Eastern West Khasi Hills da 2-0, katba ka Ribhoi District ka la jop da 5-1 iaka North Garo Hills.

Ka West Jaiñtia Hills kaba la nion ha baroh kiliang iaka East Garo Hills, kala jop da 4-0.

Wan poi ki nongialehkai na ki 11 tylli ki District ka Jylla sha ka Meghalaya Games ha Jowai

Haka 20 tarik Kyllalyngkot ka jingialehkai kan long hapdeng ki kynthei, ka West Jaiñtia Hills pyrshah iaka South West Garo Hills haka por 8:00 baje mynstep, ka North Garo Hills pyrshah iaka Eastern West Khasi Hills haka por 10:00 baje mynstep ka East Jaiñtia Hills pyrshah iaka Ri-Bhoi haka por 12:00 baje mynsngi.