Mar arsnem shiteng yn bat myntri ki MLA BJP

Syllad | The Rising MeghalayaMarch 7, 2023

Ka Bharatiya Janata Party (BJP) kala rai ba ki ar ngut ki MLA jong ka, kata u Alexander Laloo Hek bad u Sanbor Shullai kin bat iaka kam myntri mar arsnem shiteng haka sorkar synrop kaba ialam da ka NPP ka MDA -2.

Ia kane ka rai la shim shuwa ba u AL Hek un bam smai kum u cabinet minister haka sorkar kaba ialam Conrad K Sangma.

Ki nongialam ka BJP ha Jylla lyngba u president Ernest Mawrie kila ai da ka jingthoh sha u nongialam ka NPP Conrad K Sangma bad ia kane ka jingiakut la thoh da ka jingthoh ha kaba u AL Hek ka pali jong u kan kut haduh Nailar 7 tarik 2025 bad hadien yn bteng u Sanbor Shullai kum u myntri ka MDA 2.

Ka BJP kala kyntu ia baroh ar ki MLA ba kin burom iaka jingpyniaid ka party ban pynthikna ban ioh iaka sorkar kaba skhem.