Mang post thymmai ka sorkar ban pynjanai ia ka jingshakri lyngba ka child helpline

Syllad | The Rising MeghalayaAugust 14, 2023

Ka tnat social welfare department ka la shim ia ka rai ban mang 14 tylli ki post thymmai ban pynthikna na ka bynta ka jingiaid beit halor ki jingtreikam kiba iadei bad ki lad aijingiarap na ka bynta ki khynnah ne ‘child helpline service’ ha ka jylla.

Haba pyntip ia kane mynta ka sngi Nyngkong, u Myntri ba dei khmih ia ka tnat social welfare u Bah Paul Lyngdoh u la ong, “Nga sngewkmen ban pynbna ba ngi la lah ban pynkhlain ia ka jingshakri jong ka ‘child helpline service (1098)’da kaba mang sa 14 tylli ki post kiba thymmai ka ban iarap ban pynjanai shuh shuh ia ka rukom treikam.”

Une u Myntri u la ong ba ha ka jingtip ka jong u, ia ka ‘child helpline service’ la khmih dang da uwei u nongpeit nongkhmih ne child helpline administrator. Kumta ruh ka long ka jingjop kaba khraw na ka bynta kane ka tnat namar naduh ba la plie ia kane ka jingshakri ha u snem 2019, la don tang uwei u nongtrei bad phi lah ban pyrkhat ia ka jingseisoh ha kaba kum kane ka jingshakri.

Kine ki 14 tylli ki post bathymmai ki kynthup ia kawei ka post  IT supervisor, 10 ki call operators, uwei u multi-purpose staff bad ar ki security guard. U la ong ba mynta ngi la don haduh 10 ngut ki call operators, kata ka mut ba ka jingai jingshakri kan long kaba sted bad lada don ki jingujor lah ban pynpoi mardor sha kine ki staff bad kane kan plielad ban pynkloi ia ki lad jingiarap na ka bynta kito ki briew kiba donkam ha ka rukom kaba kham janai shuh shuh.

Ha kajuh ka por u Bah Paul u la pyntip ruh ba kane ka tnat ka la plie ruh ia ka  ‘women helpline ‘181’. “