Mana u Dolloi Darrang ban wan khwai & jngohkai khlem jingtip sha Wah Umngot

Syllad | The Rising MeghalayaJune 12, 2020

U Dolloi ka Elaka Darrang, u Ma Pyrwa Lymba ula pyntip paidbah ba ka elaka baroh kawei ka mana ia ki paidbah kiba ju wan khwai lane wan jngohkai sha kane ka Elaka khamtam ha wah Umngot khlem da pyntip shuwa sha ki nongpeit ka Elaka ha shuwa ban wan.

Ia kane ka jingpynbna la pynmih kum shi bynta ban iada na kane ka jingsaphriang ka khlam COVID-19 sha ki shnong bad ban iada iaka Wah Umngot bad ban pyrkhing ruh iaka jingwan rung klumar ki briew khlem ka jingpyntip kaba biang.

U Dolloi Elaka Darrang ula kyntu ia baroh ban iatreilang bad ki bor shnong bad ka Elaka ban tem iaka jingsaphriang ka khlam bad ula kitbok kitrwiang ruh ia ki paiddah ba kin ioh ka met kaba koit kaba khiah bad la ban jur iaki paidbah ban bud ryntih iaka jingbthah ka tnad ka koit ka khiah ban iakhun pyrshah iaka khlam COVID-19

La kyrpad ia ki paitbah kiba najan bad na sha jngai ba kin sngewbha ban phone shuwa ha une u No 8132096302, shuwa ban wan sha kane ka wah Umngot.