Mana ai ïingwai bad wanphai iing ki nongniah trok ha Mihmyntdu

Syllad | The Rising MeghalayaMay 1, 2021

Ka Dorbar Shnong Mihmyntdu kala pynbna paidbah ba kala mana pyrshah ia kino kino ki trai ban ai iing wai iaki briew kiba nabar ban shongwai hapoh u pud u sam ka shnong bad khang ruh iaki nongniah trok ba kim bit ban wanphai iing bad pynrung trok shapoh shnong Mihmyntdu baroh kawei.

Ka dorbar shnong kala buh ia kine ki kyndon jingpynjari ban teh lakam iaka jingrung jingmih klumar ki briew hapoh shnong poh thaw ha kum kane ka por bala sar ka khlam COVID-19 tad haduh bala pynbna da kumwei.

Ka jingpyrkhing iaka jingshong iingwai ki briew ka dei tang ia kiba thymmai, hynrei ia kiba la shongwai lypa la kyntu ban iatreilang bad ki kyndon kiba la buh ka shnong bad kim bit ban ialam ia kiba haiing hasem ne paralok kiba na kiwei ki shnong lait noh kiba la don lypa hapoh shnong poh thaw.

U Ma Abul Phawa, Waheh Shnong Mihmyntdu, ula ong ba kim banse ban shim ia kane ka rai ban pyrkhing tehlakam iaka jingwan ki briew kiba nabar bad u la kyntu ia baroh ki trai iing ban treilang bad ka shnong.

Ula ong kino kino kiba leh pyrshah kin ngat haka jingpynshitom katkum ki ain shnong.

Ka Dorbar shnong ka kyntu ïa baroh ki trai dukan kumjuh ki nongshong shnong ban bud ryntih ïaki jingbthah jong ka sorkar naduh ban deng ïaki mask, ban pynbiang ïaki sanitizer bad register haki dukan jong ki bad ïa jngai uwei ia uwei.

Kino kino kiba lap ia kiba pynkhein iaka aiñ shnong ka Dorbar Shnong Mihmyntdu ki lah ban pyntip ha kine ki number harum:

Waheh Shnong	8132995768
Assistant Waheh Shnong	7005616706
Waheh Dong Salini Colony	7005870234
Waheh Dong Lumshyrmit	8787498697
Waheh Dong Neinshnong	8787477418
Waheh Dong Moowamon	8787375854
Secretary Dong Lumpyrtuh	9863155567
Secretary Dong Riatsaliya	7005142313
Secretary Dong Mookynphad	8787395547
Secretary Dong Lumchyrmang	8787425679
Secretary Dong Lumpyrdi	7005695624