Mairang: Weng containment iaka SBI Bank, kyntu iaki paidbah ba leit ha MCAB ban shong kset 10 sngi

Syllad | The Rising MeghalayaApril 30, 2021

U Sub-Divisional Magistrate ka Mairang Civil Sub-Division, Mairang ha ka hukum ba la pynmih ha ka 29 tarik u Iaiong, 2021 ula pyntip ba hadien ba la  ioh ia ki Negative report jong baroh ki High Risk Contact bad namar ba la dep pynkhuid ia ka State Bank of India, Mairang Branch bad ki rud ki kiar jongka, la weng noh ia ka Containment Order na ka bynta kane ka Bank naduh ka 30 tarik u Iaiong, 2021 bad la plie ia ka bank.

Ha kawei pat ka jingpynbna, u Sub-Divisional Magistrate ka Mairang Civil Sub-Division ula pyntip paidbah ba don katto katne na ki nongtrei jong ka Meghalaya Co-Operative Apex Bank, Mairang Branch kila ioh ia u jingpang COVID-19 bad namarkata, la kyntu ia ki paidbah kiba la leit donkam sha katei ka Bank ha ka 19 tarik u Iaiong, 2021 ba kin shong pynkyrpang ialade na ka bynta 10 sngi ha iing.

Shuh shuh, lada don kino kino napdeng kiba shongpynkyrpang ialade hala iing kiba sngew shit met, jyrhoh lane jynjar ban ring ne pynhiar mynsiem bad kumta terter, ki dei ban pyntip mardor lyngba ka phone sha ki number phone 94853-95373, 82579-46145, 76420-08817 lane  89740-37257.