Maham tyngeh ka DM East Khasi Hills ban pyniap dusmon ia ki dohkha dohpnat ha Wah Umiam
Ka District Magistrate ka East Khasi Hills District ka la pynjari da ka kyndon 163 BNSS kaba khang pyrshah ban pyniap dusmon ia ki dohkha dohpnat bad ban pynjulor ia ka mariang hapoh ka Wah Umiam kaba hap hapoh u pud u sam jong ka shnong Umlyngka naduh ka Sdad Wah Umkhrah shaduh sha Sdad Jlu.
Kane ka jingmana ka kynthup halor ka jingpyndonkam ia kino kino ki kynja dawai bih, lyngba ki jingpynbthei bom, ka jingber bleaching powder, dawai pyniap khniang, ban ker jar bad kiwei kiwei.
La pynjari ia kane ka hukum hadien ka jingioh khubor ba ki don ki riew bymman kiba pyniap dusmon ia ki dohkha dohpnat ha lynte jong ka Wah Umiam hapoh u pud u sam jong ka shnong Umlyngka bad ki jaka ba markhap.
La maham ruh ba kino kino kiba pynkhein ia kane ka hukum kin ngat ha ka jingshah pynshitom hapoh ki kyndon 223 jong ka BNS, bad kane ka hukum ka la treikam mardor bad kan treikam tad haduh ban da pynbna da kumwei pat.
Facebook
Instagram
Youtube
Twitter
Leave a Reply