Maham ka IMD ban ther u ‘lapbah ha ki katto katne ki District ka Jylla

Syllad | The Rising MeghalayaMay 29, 2025

Ka India Meteorological Department (IMD) ka la pynmih ia ka jingmaham ban long ba la pynkhreh na ka jingther jong u ‘lapbah ha ki katto katne ki district ka jylla Meghalaya ha ka 29 bad 30 tarik Jymmang

Kine ki district kiba hap hapoh kane ka jingmaham ki kynthup ia ka Eastern West Khasi Hills bad ka West Khasi Hills ha baroh ar sngi, kata ha ka 29 bad 30 tarik, katba ka East Khasi Hills, South West Khasi Hills bad North Garo Hills kin sakhi ia kane ka jingjur slap ha ka 29 tarik Jymmang. 

Kiwei ki district kiban shah ktah haka jingjur slap ki kynthup Ri Bhoi, East Jaintia Hills, West Jaintia Hills, East Garo Hills bad South Garo Hills ba kin long kiba la pynkhreh na ka jingwan syllad jong ka lyer bad u slap ba jur ha ki katto katne ki jaka.

Kumta la kyntu ia ki nongshong shnong ba kin long kiba peitngor, ban kiar na ki jingleit ki bym da donkam bad ban pynskhem ia ki jingtei bad ki mar ki mata kiba synjor khnang ban pynduna na ka jingshah ktah na kane ka jinglong jingman ka suinbneng.