Maham ka Dorbar Shnong Loomkyrwiang ia kiba pynjot iaki jingbuh jingsat ka shnong

Syllad | The Rising MeghalayaJune 10, 2025

Ka Dorbar shnong Loomkyrwiang ha ka thong ban pynsuk iaki nongniah kali bad ban lai na ka jingiatakhuh kali ne accident, ha u snem 2024 kala buh iaka Reflex Miror haman ki lad ban rung shapoh u pud u ang jong ka Dorbar Shnong.

Hynrei la lap ba ha kine ki sngi, ki don ki briew kiba la tuh bad pynsniew dur ia kine ki tiar kiba la buh da ka Dorbar shnong ban shngain ka lynti ka syngkieng.

Ka Dorbar shnong Loomkyrwiang ka kyrpad ia kino kino kiba rung shapoh u pud u ang ka Dorbar shnong ban rung da ka mynsiem ka jingkitkhlieh na ka bynta ka bha ka miat ym ban pynhuri hura, pynjot bad tuh iaki tiat ki tar.

Ka dorbar shnong kala maham ia kiba leh pyrshah bad lada lap kan pynshitom katkum ki ain shnong.