Mad namrem biang ka 7 Wasa kut syndon ka jingiaid lynti haka Super Div ka WJDSA

Syllad | The Rising MeghalayaNovember 28, 2024

Ka lahduh mynshem snem ka 7 Wasa United kala mad biang iaka namrem da 2-0 haka Demthring SC haka jingialehkai Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 27 tarik Naiwieng.

Ia kine ki ar kol ka Demthring la thep da u Wadshwa Lato (65) bad Marshial Nongrum (90+1).

Da kane ka namrem ka jingiaid lynti ka 7 Wasa ban ioh rung semifinal kala kut noh syndon ha kane ka aiom ialehkai.

Lah ban pynkynmaw ba ka 7 Wasa ka dei kawei na ki kynhun kaba la rah iaka nam lahduh la 6 sien kynthih, kata naduh u snem 2016, 2017, 2018, 2021, 2022, 2023.

Kane ka jingrem jong ka haka Demthring kala pynlong iaka 7 Wasa ban khur 8 poin na ki 7 sien ia khun, katba ka Demthring kala kiew sha ka 13 poin.

Hashwa kane, ka jingialehkai kaba la long hapdeng ka Mukhla Raij pyrshah iaka Shangpung Lumiawmuchai kala kut da kaba iakhaid khlem don mano mano ba ioh pynkhih jar.

Ka jingialehkai kaba khatduh haka 28 tarik Naiwieng Nangbah Mulang pyshah iaka Sailung Ialong haka por 1.00 baje mynstep, ka Wahiajer pyrshah iaka Ladthadlaboh haka por 2.00 baje nohphai sngi.

Ka resol ka ban mih na kine ki jingiakhun kin ai iaka rai mano ban rung shaka qualifier bad eliminator lane ki jingiakhun iaki lai tylli ki semifinal mynta ka kynti.