Lyngba ki ar kol u Bankyrshanbor pynliem ka Umphyrnai iaka Sohryngkham haka U-10 Football ka SSA

Syllad | The Rising MeghalayaMay 27, 2023

Ki khynnah rit ka Umphyrnai Sports Club, ki la ioh ban rah ia ka nam kum ki lahduh ka lympung ialehkai U-10 ( Boys) Football League 2023 kaba pyniaid ia ka da ka Shillong Sports Association (SSA).

Haka jingiakjhun ia ka phainal ba la long haka sngi Saitjain ha Lawmali Play Ground, mar pyrshah bad ka Regional Blood Centre Pasteur Hills, Shillong, ki khynnah rit jong ka Umphyrnai SC ki la lah ba kin pynliem noh ia ka Sohryngkham SC da 4-1.

U namtam ha kane ka kynti iakhun dei u Bankyrshanbor Kharkongor uba la lah ban lam khmat ia ka kynhun ialehkai jong ka Umphyrnai SC ban thep haduh artylli ki kol ba la wan ha minit kaba 8 bad 11 bad sa ar tylli ki kol la thep da u Wanmebantei Kharkongor haka 21 min bad Dibormy Kharkongor haka 23 min.

U Kongsan ba la don lang ha kane ka sngi dei u bah KS Kurbah President ka SSA, u Hony Secretary bah SS Rapthap lem bad kiwei pat ki dkhot ka SSA bad ba la pynshit pynshngain bad ai mynsiem ia ki hep barit ba iakhun ha madan da ka jingwan ban ia kyrshan bad ai mynsiem da ki kmie ki kpa jong ki khynnah jong baroh artylli ki kynhun.