Lyngba ka hat trick u Sumar Suting jop bun kol ka Lumphyrnai Sohphoh iaka Phlongingkhaw

Syllad | The Rising MeghalayaAugust 26, 2025

Ka hattrick kaba la ioh ban khyrwit da u Sumar Suting haka kylla miet lyngba ki lai kol jong u kala pynlong iaka Lumphyrnai Sohphoh ban jop bun kol da 7-2 pyrshah iaka Pohskur Phlongingkhaw haka jingialehkai Super Division kaba pyniaid da ka Thadlaskein Sports Association (TSA) kaba long ha madan Wahiajer Mulit Sports Complex kaba la long haka 25 tarik Nailar.

U Sumar ula thep ia kine ki lai kol kaba u la thep haka minit (47,54, 90+3) bad bynraplang sa u Pynbiang Mynsong (29, 43), u Risuk Suting (12) bad Wellson Suting (51). Ar kol na kaliang ka Phlongingkhaw la thep da u Jendeng Mukhim (18) bad Samboi Mukhim (81).

Shwa kane haka jingialehkai 2nd Division Football Tournament, ka Bamkamar Wah kala pynliem iaka Thadmynri da 2-0 bad ka ka Lumkynsaw kala jop da 2-1 iaka Hunlang-I Moobakhon.

Iaki kol jong ka Bamkamar Wah la thep da u Iaishah Nongrum (19) bad Sbun John Langshiang (28).

Na kaliang ka Lumkynsaw, ia kine ki ar kol la thep marwei da u Jonan Suting (2, 8) bad iaka shikol ka Hunlang-I Moobakhon la thep da u Ritikna Lamare 57.