Lum jingialang ka Assam Meghalaya ban iakren iaka shnong kaba kwah rung Meghalaya na East Jaintia HIlls

Syllad | The Rising MeghalayaJuly 15, 2023

Wat hadien bala dep ban iasoi iaka jingiakut katkum ka MOU kaba la soi ha bnai Kyllalyngkot 29 tarik jong u snem 2022 na ka bynta ban pynbeit ia u pud u sam jong ki 6 tylli kiba jaka iakhajia, kawei ka shnong kaba don sha shilliang ka Malidor ka kwah ban rung sha ka Jylla Meghalaya.

Kane ka shnong kaba kwah ban rung sha Meghalaya ka dei ka Baikam, kaba don 37 tylli ki longiing.

Ban pynbeit ia kane ka kam khappud Assam Meghalaya na East Jaintia Hills, ka regional committee kala lum jingialang hapdeng ki ar jylla ha Holy Cross Higer Secondary School, Umkiang haka sngi Saitjain.

Na Meghalaya u Deputy Chief Minister ka Jylla, u Sniawbhalang Dhar, CEM JHADC ma Thombor Shiwat, MLA Sutnga Saipung Santa Mary Shylla bad u DC, SP ka East Jaintia Hills kiba iadonlang, na Assam pat u Myntri sorkar u Chandra Mohan Patowary bad u MLA Lakhipur Kaushik Rai nalor u DC, SP ka Cachar bad kiwei kiwei kila iadonlang.

Hadien ka jingialang baroh ar Jylla u Dy Chief Minister bad myntri sorkar ka Assam kila pynpaw baka jingialang kalong kaba seisoh bad kin rah sha ka sorkar halor ka jingkyrpad kane ka shnong ban rung sha ka jylla Meghalaya.