Lilam ka WJDSA iaka jaka ba thylli haka 2nd Division

Syllad | The Rising MeghalayaFebruary 13, 2022

Ka West Jaintia District Sports Association (WJDSA) kala pynbna ba ka iew die lilam iaka jaka ba thylli haka kyrdan 2^nd Division kan long haka 17 tarik une u bnai Rymphang.

U Hony. General Secretary ka WJDSA, u ma Lammat OO Laloo ula ong ba ka jinglilam kan sdang haka 3 pm ha ophis treikam ka WJDSA, Ladthadlaboh, Jowai.

“Ngi la rai ban lilam ia kane ka jaka kaba thylli ban pynbiang iaka thup ki kynhun ha ka lympung ialehkai 2nd Division,” la iathuh u Ma Lammat OO.

“Baroh ki club kiba la iasoh (affiliate) bad ka WJDSA kila lah ban iashimbynta ha kane ka iew iadie lilam. Na ka bynta ki kynhun kiba don haka kyrdan Third Division ka dor lilam kaba duna eh kalong T.5000 bad kila lah ban pynheh iaka dor katba lah ka bor,” ong shuh shuh u Ma Lammat OO Laloo.

Kino kino kiba kwah ban ioh jingtip ba bniah ki lah ban phone ha kine ki nomber phone 9436106399/ 9612402753.