Liem noh ka Govt Boy’s & North Liberty HSS jop ka Police Kiang Nangbah haka quarter final ka Subroto Cup ha Jowai

Syllad | The Rising MeghalayaJune 29, 2023

Ka North Liberty HSS bad ka Govt Boy’s HSS kila liem noh haka kyrdan Under-14 Boy’s, katba ka Police Public School bad ka Kiang Nangbah HSS kila jam sha semifinal haka Under-17 Girl’s haka District Level Subroto Cup kaba pyniaid da ka ophis u District Sports Officer, West Jaintia Hills District.

Ha ka jingiakhun quarter final Under-17 Girl’s kaba long haka sngi Palei ha madan Kiang Nangbah Stadium, ka Kiang Nangbah HSS kala jop da 4-0 iaka Jaintia HSS.

Ka Police Public School kala jop da ka tie breaker da 3-1 iaka Achiever’s SS bad ka Jowai Govt UP RMSA kala jop da ka tie breaker iaka da 3-2 iaka Ummulong Presbyterian HSS.

Haba phai sha ka jingiakhun quarter final Under-14 Boy’s, ka North Liberty bad ka Govt Boy’s HSS ki skul kiba paw ha kane ka lympung ki khynnah skul kila hap mad iaka namrem kaba salit.

Ka Lumpyrtuh Secondary School ka la pynliem da 1-0 ïaka North Liberty HS School bad ka Govt Boy’s HSS kala liem da ka tie breaker da 4-2 haka HK Singh Memorial SS.

Ka Laishnong HS School kala jop da 2-0 ïaka Marian Hill HS School.