Liem noh ka Govt. Boys’ bad North Liberty haka U15 quarterfinal haka Subroto Cup ha Jowai, mynta ka sngi ka semifinal

Syllad | The Rising MeghalayaJune 21, 2024

Ka Government Boys’ HSS bad ka North Liberty HSS kila mad iaka namrem haka jingiakhun quarterfinal haka kyrdan Under-15 jong ka Subroto Mukherjee Cup kaba pyniaid da u DSO, West Jaintia Hills District kaba long ha madan Kiang Nangbah Stadium haka 20 tarik Jylliew.

Ka namrem ka Govt Boys’ kala wan pyrshah haka St DominiC HSS da ka tie breaker da 5-6 bad ka North Liberty HSS ruh kala liem haka Dominic English HSS da 1-0.

Ha kiwei pat ki jingiakhun quarterfinal, ka Modern Secondary School kala pynliem iaka Mihmyntdu RC Eve Secondary School da 1-0.

Katba haka kyrdan Under-17 Girls’ quarterfinal, ka Police Public School ka la pynliem iaka All Saint Diocesan Secondary School da 5-0. Katba haka jingiakhun semifinal, ka Kiang Nangbah Govt. HS School kala pynliem iaka Govt. Girls HS School da 3-1.

Haka 21 tarik Jylliew (Mynta ka sngi) ka jingiakhun semifinal jong ka kyrdan Under-17 Girls’, kan long hapdeng ka North Liberty HS School pyrshah iaka Police Public Secondary School. Haka kyrdan Under-17 Boys’ ka North Liberty HS School pyrshah iaka Sawlyngdoh HS School. Ka Kiang Nangbah Govt. HS School pyrshah iaka Govt. Boys HS School.

Haka kyrdan Under-15 Boys kan long hapdeng ka HK Singh Memorial Sec. School pyrshah iaka Dominic English School, ka St Dominic HS School pyrshah iaka Modern Secondary School.