Liat ka kali kamai haka krem surok ba 62 klur

Syllad | The Rising MeghalayaJune 12, 2022

Kawei ka kali kamai, ka Maruti Alto kamai kala liat haka krem kaba la mih paw kynsan haka surok Pasyih Garampani haka sngi Saitjain.

Kane ka surok kadei kaba dang shu shna pynheh dangshen. Khublei iaka jingwan ther jur u slap kaba la pynpaw pyrthei iaka jingphiel ka plan shna surok ka tnad PWD.

H jingliat kane ka alto ha kane ka krem, kam shym la don kano kano ka jingmynsaw iaki nongshong kali. Ki paidbah ba iaid ba ieng kila sakhi iaka krem kaba jylliew hapdeng ka surok.

Ki paidbah kiba sakhi ia kane ka jingjia kila hap ban ngiat iaka kali ban lait na kane ka krem hapdeng ka surok.

Kane ka surok ka dei kaba la tip kum ka Pasyih Garampani (Saphai) Road kaba iaid lyngba ka surok Jowai Ratacherra bad rung na Phramer sha Saphai, ka shnong kaba hap ha khappud Assam Meghalaya.

Ka jingtrei iaka surok ka sdang na 21 Km haduh 47th Km (ka jngai haduh 26.982 Km) lyngba Meghalaya Integrated Transport Project (MITP) kaba bei psia da ka World bank. La pyntrei ia kane ka surok da ka company Rocky Dhar JV Dhar Construction haka dor T. 62,49,18,004.00

Kane ka surok ka iaid lyngba ka Pyntei, Biar, Chatwakhu, Nongryngkroh, Lakadong bad Saphai.