Leit thung tynrai dieng ka Meghalaya Pensioners’ Association hapoh PTS Umran
Ki dkhot ka Meghalaya Pensioners’ Association (MPA) Central Body, Shillong kum ka dak ban iasnohkti lang ha ka sngi pynneh pynsah mariang (Environment Day) ki la iashim bynta ha kaba leit ban thung da ki tynrai dieng hapoh PTS Umran Police Academy, Ri Bhoi District ha ka 26 tarik Naitung 2024.
Ha kane ka sngi la ia don lang ruh u Bah Lakador Syiem Principal ryngkat ki ophisar bad ki staff jong ka Police Academy.
Hashwa ban thung ia ki tynrai dieng la pynlong ia ka jingialang kaba lyngkot ha kaba la ioh ia ka jingkren ai khublei bad ka jingpynpaw ia ka jingkmen da ki nongialam ka Association namar wat haba ki la shongthait na ka kam hynrei ki dang iai don ia ka mynsiem ban shim ia kiba kum kine ki sienjam na ka bynta ban pynitynnad bad ban pynneh pynsah ia ka Mei Mariang.
Nalor kata ki la pynpaw ruh ba kin dang iai bteng ban pynlong ia kiba kum kine ki prokram ha ki sngi ki snem ki ban dang wan.
Kiba la ia don lang h kane ka sngi ki kynthup ia u Bah M Syrti, Bah LB Dkhar, Bah EUS Lyttan, Bah AD Kynjing, Bah H Kharir, Kong S Dkhar, Kong B Nongkhlaw bad kiwei kiwei.
La pynshngain lang ia kane ka sngi da ka jingiadon lang jong u Bah Edyson Khongjoh lem bad kiwei kiwei ki riew rangbah jong ka seng napoh Umsning Unit. Kane ka long katkum u kyrwoh lyngba u Secretary.
Facebook
Instagram
Youtube
Twitter
Leave a Reply