Leit teh banar ka KSU-CB ban iasnohkti bad ka KAS halor ka ktien Khasi

Syllad | The Rising MeghalayaSeptember 30, 2023

Ka Khasi Students’ Union (KSU) Central Body mynta ka sngi Saitjain ka la pynlong ka jingleit teh banar ha kylleng ki bynta jong ka nongbah Shillong kum shibynta ban iasnohkti lang bad ka Khasi Author Society (KAS) ban dawa na ka sorkar pdeng ban  pynrung noh ia ka ktien Khasi ha ka khyrnit kaba phra jong ka riti synshar ka Ri India.

Kane ka la wan long ruh ha ka sngi kaba bud hadien ka jingplie paidbah ia ka jingialang phylliew jingmut halor ka ktien Khasi bad ka kolshor u Khasi ha nongbah Delhi da ka Khasi Author Society.

Ha kine ki banar la iohi ia ki jingthoh  kiba thoh  “Im ka Ktien Im ka jaidbynriew” “Para Khasi to ngin kyrshan pura ia ka KAS.

Shuh shuh la don ruh ki jingthoh kiba ong “Ko sorkar India wat leh mutlop shuh” bad la don ruh ki kyntien kiba ka seng ka thoh “Pynrung noh ia ka ktien Khasi ha ka khyrnit kaba phra”.