Leit pyniasoh TMC haduh kumba 1500 ngut ki nongialam bad nongtrei ka BJP ha Garo Hills

Syllad | The Rising MeghalayaApril 7, 2024

Haduh kumba 1500 ngut ki nongialam bad ki nongtrei kiba na trai ne ‘grass root’ jong ka Seng Bharatiya Janata Party (BJP) ki la leit ban pyniasoh sha ka Seng Trinamool Congress (TMC) hapoh Garo Hills.

Haba pyntip ia kane hynne ka sngi U Blei, u president ka TMC Youth Sing u Richard Marak u la ong, “Ngi sngewkmen ban pyntip sha phi halor ka jingkylla ha ka jinglong jingman ha ki kam sain hima sima hapoh Tura Parliamentary Constituency.

Ha ka jingialang kaba dang shen ha ka jingiadon ryngkat lang u kyrtong ka TMC na ka bynta ka Tura Parliamentary Constituency, u Zenith M Sangma, ki la don haduh kumba 1500 ngut ki nongialam bad ki nongtrei jong ka Seng BJP kiba la wan ban pyniasoh sha ka Seng Trinamool Congress (TMC).

“Ha kane ka jingialang la sakhi ia ka jingmih paidbah, ha kaba haduh palat 500 ngut ki paidbah na Tarapara bad kumba 700 ngut na Magurmari, baroh kiba hap hapoh Salmanpara LA Constituency ki la kut jingmut ban ai ka jingkyrshan kaba pura ia ka Seng TMC,” ong utei u nongialam.