Leh khiew ja kai u CM Conrad Sangma iaka MCH Hospital ha Jowai

Syllad | The Rising MeghalayaDecember 22, 2022

Ka jingplie u Myntri Rangbah ka jylla u Conrad K Sangma iaka Maternal and Child Health Hospital kala long kumba wan leh khiew ja kai namar  haduh mynta kane ka hospital ka dang khang khyrdep.

Ia kane ka hospital u Myntri Rangbah Conrad K Sangma ula wan ban plie haka 3 tarik u Nohprah 2022.

Kane ka hospital kaba don ha Panaliar la dap artiew bala plie paidbah iaka pynban la lap ba kane ka hospital ka dang khang khyrdep, ki kamra ruh ki long kiba thylli khlem tiar khlem tar bad don ruh katto katne ki jingkhang ïit kiba la pait.

U Andrew Shullai kyrtong jong ka Trinamool Congress na Jowai ula pynpaw iaka sngewkhia halor kane jingkhang kane ka hospital hadien ka jingleit jurip jong u bad ula kynnoh ba ka jingplie paidbah ïa kane ka hospital kadei tang ka buit ban pynbiej ïaki paidbah ka Jowai Constituency.