Leh isynei ka Indian Red Cross Society iaki para briew ha West Jaintia Hills

Syllad | The Rising MeghalayaNovember 13, 2021

Ka Indian Red Cross Society (IRCS), West Jaintia Hills Unit haka sngi Saitjain kala pynlong iaka prokram iarap parabriew kaba la tip kum ka Humanitarian Aid Programme da kaba sam iaki jain kup thiah (blanket) bad ki Personal Hygiene kits ne ki tiar sait khmut sait khmat ha Mookyndur Secondary School.

Ia kine ki tiar la sam sha ki khynnah skul kiba hap ha Thadlaskein Block.

Ha kane ka jingsam tiar ka IRCS la iadonlang u D Pde, Assistant Teacher uba pyniaid iaka jingialang. La ioh jingkren na u Hopeful Khongstia, Assistant Secretary IRCS West Jaintia Hills Unit bad u Ohiwot Laloo, District Secretary IRCS, West Jaintia Hills Unit nalor kiwei kiwei.

U Hopeful Khongstia ka 13 tarik Naiwieng la tip ruh kum ka World Kindness Day kaba la sdang naduh u snem 1988 da ki ri bad ki sengtreimon sngewbha.

U Ma Ohiwot Laloo, Secretary IRCS West Jaintia Hills haba kren u la batai shaphang ka nongrim bad ka jingthmu jong ka Indian Red Cross Society kaba kum kawei na ki seng trei mon sngewbha kala sdang ban shakri sha ki para briew naduh ka thma Solferino kaba ialam da u Henry Dunant ban iarap ia ki shipai ha kane ka thma.

Ula khot ia ki khynnah skul bad samla ban rung sha ka IRCS ban ai ka jingshakri ia ki para briew ha ki rukom kiba bapher bapher.