Lap metiap ba thiah lyngktar hajan ka skul St Peter’s, Dhankheti

Syllad | The Rising MeghalayaAugust 8, 2024

Ki pulit napoh Laitumkhrah Police Station ki la lap ia kawei ka metiap jong uwei u rangbah bym lah ban ithuh kaba thiah lyngktar harud surok hajan ka skul St Peter’s, Dhankheti, Shillong ha ka step jong ka 7 tarik Nailar.

Ha ka jingjurip bniah la shem ym don satia kino kino ki dak jingmynsaw bad ia ka daw jong ka jingiap ym pat lah ban tip thikna, ong ka khubor pulit.

Hadien kane ia kane ka metiap la pynkit noh shapoh NEIGRIHMS hospital na ka bynta ban leh ia ka post mortem khnang ban lap ia ka daw jong ka jingiap, ki la ong.

Une u briew uba la don kumba 55-60 snem rta u don ka ryngieng kaba 5. 6ft bad u phong ka jaket iong, ka shirt ba don lain lieh, ka patlun jyrngam, t shirt rong blu, juti thong iong thoh lieh bad u bel rong iong, ong ki pulit.