Lap ki pulit ia ka shynrong khlieh, shyieng lbong bad krung na Bivar Road

Syllad | The Rising MeghalayaMay 25, 2024

Ki bor pulit ha ka 22 tarik Jymmang, kila ioh tam ia ka suba shynrong khlieh briew na marpyrshah jong kawei ka nala kaba don ha Oakland Bivar Road, Shillong.

Hadien kane u Superintendent of Police (SP) ka East Khasi Hills, u Rituraj Ravi, IPS u la ong ba ki pulit ki la pynlong mardor ia ka jingwad bniah ha katei ka jaka ha ka 23 tarik kaba bud ha kaba ki la lapdien sa ia ka shyieng lbong bad ha ka 24 tarik ki la lapdien shuh shuh sa ia ka shyieng krung na ki bynta kiba kham shaneng jong ka nala.

Ia kine ki lyngkhot met ba la ioh tam la phah shapoh NEIGRIHMS, Shillong na ka bynta ban leh ia ka medical examination.

Na ka liang ki pulit ki la suba lyngba kine ki dkhot met ba la lapdien ba u lanot u dei u shynrang.

Halor kane ka jinglap ia kine ki shynrong la rejistar case hapoh Sadar PS bad ka jingtohkit bniah ban lapdien bad ban ithuh ia kane ka metiap ka la iaid shakhmat.