Lap ka KSU iaka jingpei um ka skul Ummat Lakadong Govt LP, phah jurip ka tnad pule

Syllad | The Rising MeghalayaMay 15, 2022

Ka Khasi Students’ Union (KSU) kala lap iaka jingjot rathai bad pei um ka skul Ummat Lakadong Govt LP Skul bad kala ai shi syndon da ka  iaka jingthoh sha ka Sub Divisional School Education Officer (SDSEO), East Jaintia Hills District, kaba la shimkhia ban phah jurip bad phah tohkit halor ka jinghap ki khynnah ban shong klas haka um.

Ka KSU Lakadong Unit ryngkat ki nongialam KSU East Jaiñtia Hills District Unit kiba kynthup ia u Andreas Lyngdoh president Lakadong Unit bad u education secretary Emmon Chyrmang nalor kiwei kiwei ki nongialam ka KSU haka 13 tarik kila ai da ka jingthoh sha ka SDSEO ban dawa maramot ia kane ka skul sorkar, kaba ki khynnah kiba hap ban shong klas haka um.

Ka KSU kala lap ba ia kane ka skul la sop da ka tarpaulin ne ka jri plastic na tnum, pynban ka um ka pei sha ka um nalor jot la pei ka tin sopiing.

Ka KSU kala ong kane ka skul kala jot la kham slem, hynrei ki bor ba dei peit kim shym la shimkhia bad ki khynnah skul ki hap ban shong skul ha ka um.

Ka KSU kala kam ba na kaliang ka SDSEO kala shimkhia mardor ban phah tohkit bad ruh ban maramot noh mar mar ïa kane ka skul.

Dangshen u Myntri ka tnad pule puthi Ma Lahkmen Rymbui ula pynbna ban maramot ia baroh ki skul sorkar kiba la jot rathai bad donkam ban maramot kyrkieh.

Ka tnad pule puthi kala sdang ban shim jingkhein bad yn maramot ia baroh ki skul ha une hi u snem.

Ka SDSEO kala iathuh bad ka ki LP Schools ki don haduh 109 tylli, ki UP School 30 tylli bad SSA 85 tylli bad na kaliang ka KSU kala kyntu iaka tnad pule puthi ban jurip ia baroh kine ki skul bad ban syrdep iaki skul kiba jot bda peit um, khnang ba ki khynnah skul ha nongkyndong kim nym duh jingmyntoi