Lap ka KSU ba shimkhia ka Pamrapaithlu PHC ban iakhun khlam COVID-19

Syllad | The Rising MeghalayaMay 12, 2021

Ka Khasi Students’ Union (KSU), Wapung Unit kala kam ba kala lap ba Pamrapaithlu PHC kala long kaba pynkhreh ban iakhun pyrshah iaka khlam COVID-19 bad katkum ka jinglah ka jong ka PHC.

Ka KSU kala ong ba kane ka PHC kaba ai jingshakri iaki shnong kum ka Wapungskur, Wapung Shnong, Pamrakmai Pamrapaithlu, Iongkaluh, Mookhep, Ladrymbai bad kiwei kiwei kala pynkhreh nadong shadong ban pynbiang iaki jingdonkam ka jaka sumar.

U general secretary KSU Wapung unit u Shwari Ryngkhlem ula ong bah haka sngi Balang kila leit  jurip ia ka Pamrapaithlu  PHC ban tip bniah ba ki la biang ne em ki jingdonkam ban iakhun pyrshah ia ka khlam COVID-19 . 

Ha ka jing leit jurip ka seng ka la ioh ban iakren Ia u Dr incharge kane ka PHC u Dr K War, u la iathuh ba Ia mynta hi kane ka PHC ka long ka ba pynkhreh bha ban iakhun Ia u khniang COVID-19.  Kane ka PHC ka don 9 jingthiah, oxygen cylinder 5 tylli.

Ka KSU kala ong ruh ba ki ba la biang rta 45yrs shaneng ki dang don kumba 35% na ka 3525 kiba ai injek bad ki don 10 ngut kiba ioh ia u khniang jingpang COVID-19. Kine ki 10ngut 7 ngut ki la leh home isolation bad lai ngut ki la don mynta ha ki corona centre.

Ka KSU Wapung kala kyntu ia baroh ki paidbah ka thain ban bud ryntih iaki adong adit COVID-19 bad iada naka jingpur ka khlam. Kala banjur ruh iaki kiba la biang ka rta ban ai tika khnang ban iada ialade bad kumjuh ia kiba haiing hasem bad ka imlang ka sahlang.