Lap ka JSM 46 ngut ki bar jylla ba trei khlem kot khlem sla

Syllad | The Rising MeghalayaOctober 3, 2019

JOWAI: Ka Jaiñtia Students’ Movement (JSM), Nartiang Circle kala lap haduh 46  ngut ki bar jylla kiba trei surok bad shna iing haka shnong Murushai, Lumrot, Lumstong, Ksehrynshang kiba wan ban trei sha kane ka thain khlem ki kot ki sla ba biang haka sngi Palei.

Ka JSM hadien ba kala ïoh jngtip ba bun ki bar jylla kiba trei bylla khlem kot sla kala leit ban jurip haka jingïalam u working president ka JSM u Head Phalangki, vice president u Rimio Nongtdu bad ki dkhot ha ryngkat Waheh Shnong Murushai bad kila lap ba baroh kine ki bar jylla kim don ki kot ki sla ba biang ban wan trei sha kane ka thain.

Hadien kane ka JSM kala pynsngeh shuwa ïa kine ki bar jylla ban trei bad kala bthah ïaki ban pynbiang ki kot ki sla. Haka juh ka por ka JSM kala lap ruh ki don 2 ngut ki nongtrei misteri ha ki ïing briew kiba ym don ki kot ki sla ba biang haka shnong Ksehrynshang.

Ka JSM hadien bala lap ïaka jingwan rung beaiñ kine ki bar jylla, kala kyntu ïaka sorkar ban pyrkhing ïaki khyrdop khynra bar jylla bad maham ïaki kontrak ban nym wanrah bar jylla lada kim lah ban pynbiang iaki kot ki sla na ka JHADC bad ka tnad Labour jong ka sorkar jylla.