Lap ia ka metiap ba la pyut naka thliew ba la iehnoh ha Khliehriat

Syllad | The Rising MeghalayaAugust 29, 2025

U Superintendent of Police ka East Jaintia Hills Khliehriat, u pyntip ba ha ka 17 tarik Nailar ki la ioh jingtip lyngba u Rangbah Shnong ka Khliehriat East, EJH halor ka jinglap jong ki nongshong shnong ia kawei ka metiap ba la pyut kaba per ha kawei na ki thliew ba la shu iehnoh hajan Indian Petrol Pump, Khliehriat East.

Hadien kane ki pulit hapoh ka jingialam jong u SI ASR Lakiang ki la wan poi sha kane ka jaka ban pynlong ia ka jingtohkit, bad hadien la sei noh ia kane ka metiap na katei ka thliew bad la pyndep ia baroh ki jingdonkam ha ka jingiadon lang ki nongshakhi.

Ia kane ka metiap la pynkynriah noh shapoh Khliehriat CHC na ka bynta ban leh ia ka post mortem khnang ban lap ia ka daw jong ka jingiap.

Haba tohkit bniah na ki nongshong shnong ym shym la don kiba lah ban ithuh ne ban don jingtip ei ei ha kaba iadei bad kane ka metiap.