Lap ba pynpoi kyiad ha iing ha Ladthadlaboh

Syllad | The Rising MeghalayaApril 30, 2022

Ka Ladthadlaboh Dorbar Chnong lyngba ka VDP Shnong kala pyrshah jur iaka jingdon ki katto katne ki briew kiba leh pyrshah iaka rukom pyniaid shnong da kaba pynpoi kyiad ha iing ne Home Delivery.

U Kyrwoh na ka VDP Shnong Ladthalaboh Dorbar Chnong ka ong “Kane ka long ka jingpynkynmaw bad maham tyngeh ia kino kino ki briew kiba napoh shnong lane kiba na bar shnong kiba wan die kyiad (online/home delivery) shapoh u pud u sam jong ka Ladthadlaboh, Jowai.”

“Kane ka long pyrshah ia ki aiñ jong ka Dorbar Chnong. Lada lap ia kino kino kiba pynkhein ia kane ka aiñ, kin sa hap ha ki kyndon jingpynshitom kiba tyngeh katkum ka jingpyniaid lane ki aiñ jong ka Dorbar Chnong,” ong ka VDP shnong.

Ka VDP Shnong Ladthadlaboh Dorbar Chnong ka kyrpad ia baroh ban ai ka jingiatreilang na ka bynta ka shongsuk shongsain ka shnong ka thaw.