Lap artylli ki metiap na ki jaka khlaw ha Upper Shillong

Syllad | The Rising MeghalayaJanuary 6, 2024

Ia ka metiap jong u Blessingson Fancon uba la jah rngai na la iing naduh ka 4 tarik mynta u bnai la lapdien haka step sngi Saitjain da ki nongshong shnong na ka jaka khlaw ha Upper Shillong, kata najan Mahadev Khola, 101 Area.

Ki tyllong khubor na ki pulit ka iathuh ba une u briew uba jah rngai u dei u nongshong shnong jong ka shnong Lummawbah, Shillong, bad ia ka FIR halor kane ka jingjah rngai la ujor sha ka sngi Thohdieng ba la lah.

Ha kawei pat ka bynta ki tyllong khubor pulit ki iathuh ruh ba la lapdien sa ia kawei pat ka metiap na ki jaka khlaw ha Upper Shillong. Ia kane ka metiap jong u shynrang bym lah ban ithuh la pynkynriah noh shapoh NEIGRIHMS ban leh ia kaba donkam.