Lam lynti u Deibormi ban pynjop da 10 wicket iaka Lion haka District Cricket League ka WJHDCA

Syllad | The Rising MeghalayaApril 29, 2025

U Deibormi Rangad uba long u captain ka Lion Sports and Youth Affair (LSYA) ula bteng ban ialehkai bha bad khur saw wicket ban tehlakam iaki nongtied ka Evergreen SC&CC kaba la pynlong iaka kynhun ban jop haduh 10 wicket haka District Cricket League.

Kane ka league dei kaba pyniaid da ka West Jaintia Hills District Cricket Association (WJHDCA) kala long ha madan shnong ka Khliehtyrshi haka 29 tarik Iaiong.

Ka Evergreen kaba tied shuwa kala kamai 70/9 na ka 16.0 over. Tang ar ngut na ki nongtied jong ka kiba la ioh ar dak jingkhien kiba kynthup ia u Riki Synrem 22 run bad u Sanderlang Tariang 17 (not out).

U Deibormi sa shisien ha kane ka jingialehkai ula tynjuh borbah iaki nongtied ka Evergreen ha kaba ula khur saw wicket bad ai 30 run, ula ioh jingkyrshan ruh na u Peterson Lamare bad u Wijan Pohleng kiba khur mar ar wicket.

Haba beh iaka thong kaba 71 ka Lion kala lah ban pyndep tang haka 6.1 over khlem liem wat tang shi wicket. U Firstbornson Dkhar 53 run bad u Kitboklang Rngad 11 kila ban pynkut kloi iaka jingialehkai.

U Deibormi Rangad ula khur iaka nam Man of the Match.

Ka jingialehkai haka 30 tarik Iaiong kan long hapdeng ka Khliehtyshi SC pyrshah iaka Moodymmai SC haka por 9 baje mynstep.