Lai sngi yn plie iew ha East Jaintia Hills

Syllad | The Rising MeghalayaJune 4, 2021

U District Magistrate, East Jaintia Hills District haka sngi Thohdieng ula pynmih iaka hukum ban pynbna ba la ailad ban plie iaki iew lai sngi ha ka taiew ban wan kata haka 7 tarik, 9 tarik bad 11 tarik une u bnai Jylliew.

Kine ki iew kiba shah ban plie ki kynthup iaka Khliehriat East & West, baroh ka iew Ladrymbai, Umpleng, Chiehruphi, Lumshnong. Sohkymphor, Sookilo, Saipung, Samasi, Jalaphet, Rymbai, Wapung, Sutnga, Batwa and Umkiang bad ki dukan shnong kiba pyniaid da ki Dorbar Shnong ne Market Committee.

Ia kine ki iew la shah ban plie naduh ka por 9 baje mynstep haduh 3 baje nohphaisngi. Nalor kata tang 50 ercent la shah ban plie iaki dukan mar bam, hardware, electrical kaba kynthup iaki dukan mobile, spare parts, dukan die jain hapoh ka jingpeit ki bor shnong.

Shuh shuh ki dukan hapoh shnong kin plie naduh ka por 2 Pm haduh 6 pm.

Baroh ki ban hapoh ka district kin plie naduh ka sngi Nyngkong haduh Thohdieng da kaba pynduna iaki nongtrei. Katba ki Post Office tang la shah ban plie tang haka 7 tarik, 9 tarik bad 11 tarik u bnai Jylliew.

Ka jingpyrkhing ban iaid ban ieng na kawei ka district sha kawei ka district ka dang neh nalor kiwei kiwei ki jingpyrkhing kiba la dep pynbna.