Lahduh ka Nativity HSS haka Inter-School Athletic Meet u DSO SWKHD

Syllad | The Rising MeghalayaMay 15, 2022

Ka ophis u District Sports Officer, South West Khasi Hills District, ka la la lah ha kaban pynkut noh ia ka lympung ialehkai 8th South West Khasi Hills District Level Inter-School Athletic Meet 2022 ha madan ialehkai ha Saitsnad, Mawlangwir haka sngi Thohdieng

Ha kane ka kynti ki skul baroh ba la poi ban wan iashimbynta ki long 9 tylli ki skul bad 320 ngut ki nongialehkai kynthei bad shynrang haka kyrdan ialehkai Under-14, Under-16 bad Under-18.

U MDC ka Mawkyrwat Constituency u bah Carness Sohshang ula long kum u kongsan haka jingiadonlang u ma SC Laloo, ADC South West Khasi Hills kiba iadonlang ban sakhi bad sam iaki khusnam sha ki nongjop.

Ka nam Over All Team Champion ka leit sha ka Nativity Higher Secondary Schoo, katba Champion Team la rah iaka da ka Boys Nativity Higher Secondary School bad Runners Up Team – Boys Jakrem Presbyterian Higher Secondary School, Champion Team – Girls Jakrem Presbyterian Higher Secondary School bad Runners Up Team – Girls Nativity Higher Secondary School.

Wat lada ka jingpynlong ia kane ka lympung ka long hadpeng u slap uba la wan ther tyngeh ha kane ka district, pynban ka jingialehkai kala iaid shait shait bad sakhi ba ki nongialehkai baroh kila shimbynta shongshit da ka mynsiem ialehkai sports.

Best Athlete:

Ha ka U-14 Boys la ioh rah da u Jobatstar Kharlyngdoh Mawrwangkynda Church of God Secondary School, U-14 Girls la ioh rah da ka Latympang Lyngdoh Marshilong Nativity Higher Secondary School.

Haka U-16 ka Nativity Higher Secondary School kala ioh rah ha baroh ar tylli ki kyrdan na ki kynthei bad shynrang kiba kynthup ia u Bajoplang Sohshang ka Badaphun Nongrem.

Haka U-18 Boys u Batskhemlang Thongnirit ka Nativity Higher Secondary School bad ka Ibanrisha Kharwanniang Jakrem naka skul Presbyterian Higher Secondary School.