Lahduh ka East Khasi Hills ha ka ‘State Level Kickboxing Championship’ ka MAKO

Syllad | The Rising MeghalayaSeptember 2, 2023

Ka kynhun ialehkai Kickboxing na East Khasi Hills District ka la ioh ban rah ia ka nam lahduh ha ka ‘State Level Kickboxing Championship’ ba la khot pynlong da ka Meghalaya Association of Kickboxing Organizations (MAKO) kaba la long naduh ka 31 tarik u Nailar haduh ka 1 tarik u Nailur 2023 hapoh ka headquarter jong ka Meghalaya School of Martial Arts (MSMA), Kynton-U-Mon MSMA.

Ki la don haduh kumba 80 ngut ki nongwan iashim bynta ha kane ka lympung Kickboxing ha kaba ka kynhun napoh East Jaintia Hills District ka la wan ha ka kyrdan kaba ar.

Ia kane ka jingiakop la wan plie da u Chairman ka MSMA u Bah D.R.Ranee bad la wan pynhap pyrda bad sam khusnam da u Bah John Khyriem u riew pawkhmat uba la iarap ia ka MAKO ban pynurlong ia ka rynsan iakhun ne ka Kickboxing Ring na ka bynta ka jingpynlong ia kane ka jingialehkai.

Na ka liang ki nongpyniaid ia kane ka jingiakop ki pyntip ruh ba baroh ki nongjop ha kane ka jingialehkai Kickboxing Championship kin shah jied ban leit iashim bynta sha ka National Kickboxing Championship, 2023 ka ban sa long naduh ka 1 tarik haduh ka 3 tarik u bnai Risaw 2023 ha  Dehradun, Uttarkhand.