La weng noh ia ka hukum khang iaid kali na ka surok Mawmaram sha Lad Umsaw

Syllad | The Rising MeghalayaJuly 4, 2025

Ka District Magistrate ka East Khasi Hills haka 3 tarik Naitung ka la pynmih ia ka hukum ba la weng noh ia ka jingmana kaba khang pyrshah ia ki kali heh bad kali rit ba kin iaid lyngba na ka surok Mawmaram Nongthliew- Mawmih- Mawlyndep sha Lad Umsaw.

Lyngba kane ka hukum hapoh ki kyndon 163 jong ka BNSS la shah pat ia ki kali rit kumjuh ki trok ki bym palat ia ka 9 Metric Ton ba kin iaid lyngba ka surok Mawmaram Nongthliew Mawmih-Mawlyndep sha Lad Umsaw.

Kane ka la wan long ruh hadien ba u Executive Engineer, PWD (Roads). Umsning Division, Umsning, lyngba ka Shithi kaba 2 tarik Naitung 2025 u la pyntip ba ka jingshna ia ka Sub way ha ka jingkieng No. 6/1 kaba don ha Umbir la lah ban pyndep bad la plie mynta na ka bynta ki paidbah ban pyndonkam. Hynrei, la khang pyrshah ia ki kali rit bad kali heh ba kin iaid lyngba kane ka jingkieng ha Umbir, hynrei ban pyndonkam ia ka Sub-way kaba la tei thymmai kaba don marjan kane ka jingkieng.