La thaw iaka Committee Indo Bangla Riwar People ban iakren iaka jingeh ki Khasi Pnar ha Bangladesh

Syllad | The Rising MeghalayaSeptember 12, 2021

Ka jingialang jong ki riew rangbah, ki Sordar, ki Rangbah Shnong, ki nongialam sengbhalang jong ka War Mihngi bad ka War Jaintia, la pynlong haka 11tarik Nailur 2021 ha Dawki, ha ka jingpyniaid U Bah M Ryngksai, Rangbah Shnong Dawki.

Ka jingialang ka sngewkhia shibun eh, halor ka jingshah lehbein jong ki para Khasi jongngi, ha ki shnong bapher jong ka Ri Bangladesh bad kumta la dawa ia u myntri rangbah, ba un iakren bad ka sorkar Bangladesh, na ka bynta ban pyn sangeh shi syndon, ia kine ki jingshah lehbein nangne shakhmat.

La mynjur ruh ban thaw ia ka komiti ba shipor, lane ka Co-ordination Committee of Indo Bangla Riwar People, ha kaba U bah RM Shabong un dei U Chairman, bah Kmen Myrchiang Vice Chairman, Bah SS Manners General Secretary, Bah Matthew Kongwang Asstt Secretary bad U Bah Edmund Khongngai Spokesperson and Publicity Secretary.